ບັນຊີ Facebook ຖືກແຮັກເກືອບ 50 ລ້ານບັນຊີ ຈາກຊ່ອງໂຫວ່ການໃຊ້ງານ View As

ຮູບຈາກ: https://nuttwootse.wordpress.com

ໃນ​ວັນທີ​ 25 ກັນຍາ​ 2018 ທີ່​ຜ່ານມາ​ ທີມ​ວິສະວະກອນຂອງ​ Facebook ກວດ​ພົບ​ຊ່ອງ​ໂຫວ່​ ຊຶ່ງ​ມີ​ຜົນ​ກະທົບ​ຕໍ່​ບັນຊີ​ຜູ້​ໃຊ້​ເກືອບ​ 50 ລ້ານ​ບັນ​ຊີ​ ຈາກ​ການ​ກວດ​ສອບ​ພົບ​ວ່າ​ຜູ້​ປະສົງ​ຮ້າຍ​ໄດ້​ໂຈມ​ຕີ​ຜ່ານ​ຊ່ອງ​ໂຫວ່​ການ​ໃຊ້​ງານ​ View As ຊຶ່ງ​ເປັນ​ຄຸນ​ລັກສະນະ​ທີ່​ຊ່ວຍ​ໃຫ້​ເຈົ້າ​ຂອງ​ບັນ​ຊີ​ສາມາດ​ເບິ່ງ​ເຫັນ​ວ່າ​ໂປຣ​ໄຟ​ລ໌​ຂອງ​ຕົນເອງ​ມີ​ລັກສະນະ​ຢ່າງໃດ​ກັບ​ຜູ້​ອື່ນ​ ເຮັດໃຫ້​ຜູ້​ປະສົງ​ຮ້າຍ​ລັກ​ access token (Access token ແມ່ນຊຸດໂຕອັກສອນຊຸດໜຶ່ງທີ່ app ຫຼື web app ສ້າງຂຶ້ນມາເພື່ອໃຊ້ໃນການຕິດຕໍ່ກັບ Facebook API,  Access Token ຈະຖືກກໍານົດມາແລ້ວວ່າໃຫ້ດຶງຂໍ້ມູນຫຍັງໄດ້ແດ່) ຂອງ​ບັນຊີ​ Facebook ໄດ້.​

ສິ່ງ​ທີ່​ Facebook ໄດ້​ດຳ​ເນີນ​ການ​

  1. ແກ້​ໄຂ​ຊ່ອງ​ໂຫວ່​ດັ່ງ​ກ່າວ​ ແລະ ​ແຈ້ງ​ຜູ້​ບັງຄັບ​ໃຊ້​ກົດໝາຍ​;
  2. ດຳ​ເນີນ​ການ​ reset access token ເກືອບ​ 50 ລ້ານ​ບັນ​ຊີ​ທີ່ພົບວ່າ​ໄດ້ຮັບ​ຜົນກ​ະ​ທົບ​ ແລະ ​ອີກ​ 40 ລ້ານ​ບັນ​ຊີ​ທີ່​ກວດ​ສອບ​ແລ້ວ​ພົບ​ວ່າ​ມີ​ການ​ໃຊ້​ງານ​ View As ໃນ​ປີ​ຜ່ານມາ​ ເຮັດໃຫ້​ມີ​ຈຳນວນ​ທັງ​ໝົດ 90 ລ້ານ​ ບັນ​ຊີ​ທີ່​ຕ້ອງ​ລົງ​ຊື່​ເຂົ້າ​ໃຊ້​ງານ​ໃໝ່​;
  3. ປິດ​ການ​ໃຊ້​ງານ​ View As ເພື່ອ​ກວດ​ສອບ​ຢ່າງ​ລະອຽດ​.

​ຜູ້​ໃຊ້​ Facebook ບໍ່​ຈຳ​ເປັນ​ຕ້ອງ​ປ່ຽນ​ລະ​ຫັດ​ຜ່ານ​ ເພາະ​ Facebook ແກ້​ໄຂ​ຊ່ອງ​ໂຫວ່​ແລ້ວ​ ແຕ່​ຜູ້​ທີ່​ມີ​ບັນຫາ​ໃນ​ການ​ລົງ​ຊື່​ ຫຼື ​ລັອກ​ອິນ​ ເຊັ່ນ:​ ລືມ​ລະ​ຫັດ​ຜ່ານ​ ສາມາດ​ເບິ່ງ​ລາຍ​ລະອຽດ​ ເພື່ອ​ເຂົ້າ​ເຖິງບັນ​ຊີ​ໄດ້​ທີ່​ Help Center https://www.facebook.com/help/105487009541643

ເອກະສານອ້າງອີງ: 

https://newsroom.fb.com/news/2018/09/security-update/

Leave a Reply

Your email address will not be published. Required fields are marked *