ພິທີປາຖະກະຖາເລົ່າມູນເຊື້ອ 3 ວັນສຳຄັນຂອງພັກ ຂອງຊາດ

ໃນວັນທີ 25 ກໍລະກົດ 2018 ທີ່ຜ່ານມານີ້ ພະແນກ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານແຂວງ ໄດ້ຈັດພິທີປາຖະກະຖາເລົ່າມູນເຊື້ອ 3 ວັນສຳຄັນຂອງພັກ ຂອງຊາດຄື: ວັນເຊັນສົນທິສັນຍາມິດຕະພາບ- ການຮ່ວມມືລາວ – ຫຽວດນາມ ຄົບຮອບ 41 ປີ ( 18 / 07 / 1977 – 18 / 07 / 2018 ), ວັນສ້າງຕັ້ງສາຍພົວພັນການທູດ ລາວ – ຫຽວດນາມ 60 ປີ (  05 / 09 / 1962 – 05 / 09 / 2018 ) ແລະ ວັນຄ້າຍວັນເກີດ ປະທານ ປະທານສຸພານຸວົງ ຄົບຮອບ 109 ປີ ( 13 / 07 / 1909 -13 / 07 / 2018 ) ຂື້ນ, ໃຫ້ກຽດປະຖະກະຖາໂດຍ ສະຫາຍ ຫຸມພັນ ບຸບຜາຄຳ ເລຂາຄະນະພັກຮາກຖານ, ເລຂາໜ່ວຍພັກ ຫົວໜ້າພະແນກ ປທສ ແຂວງ ແລະ ສະຫາຍ ນາງ ປິ່ນຄຳ ອຸ່ນລະຄອນ ຄະນະພັກຮາກຖານ, ຄະນະໜ່ວຍພັກ ຫົວໜ້າ ຂະແໜງ ດັດສົມໂທລະຄົມ ແລະ ຄື້ນຄວາມຖີ່, ໃນການຮັບຟັງການປະຖາກະຖາຄັ້ງນີ້ ມີຄະນະພະແນກ, ຫົວໜ້າຂະແໜງ, ຮອງຂະແໜງ ແລະ ພະນັກງານລັດຖະກອນພາຍໃນພະແນກ ປທສ ແຂວງເຂົ້າຮ່ວມທັງໝົດ 22 ສະຫາຍ, ຍິງ 08 ສະຫາຍ.

ໃນພິທີຄັ້ງນີ້ ສະຫາຍ ຫຸມພັນ ບຸບຜາຄຳ ໄດ້ເລົ່າມູນເຊື້ອ ອັນດີງາມ ຂອງສອງຊາດ ລາວ – ຫຽວດນາມ ເຊີ່ງເປັນປະເທດເພື່ອນບ້ານໃກ້ຄຽງ, ມີຊາຍແດນຮ່ວມກັນຍາວກວ່າ 2000 ກິໂລແມັດ ພ້ອມກັນອີງຫລັງໃສ່ສາຍພູຫລວງ, ຮ່ວມຊົມໃຊ້ແມ່ນຳ້ລຳເຊ, ພູຜາປ່າດົງ, ດິນດອນຕອນຫຍ້າເພື່ອດຳລົງຊີວິດ, ປະຊາຊົນ ສອງຊາດ ລາວ – ຫຽວດນາມ ມີອຸດົມຄະຕິ ແລະ ຄວາມມຸ່ງມາດປາຖະໜາອັນດຽວກັນຄື: ຢາກມີຄວາມເປັນເອກະລາດ, ສັນຕິພາບ ແລະ ຮັ່ງມີຜາສຸກ, ພິເສດ ແມ່ນໄລຍະເວລາການຕໍ່ສູ້ປະຕິວັດເປັນເວລາເຄິ່ງສັດຕະວັດ ພາຍໃຕ້ການນຳພາຂອງພັກກອມມູນິດອິນດູຈີນ, ຕໍ່ມາແມ່ນພັກປະຊາຊົນປະຕິວັດລາວ ແລະ ພັກກອມມູນິດຫວຽດນາມ. ຄວາມຜູກພັນສາມະຄີຊ່ວຍເຫື້ອເຊິ່ງກັນ ແລະ ກັນ ທີ່ເປັນມູນເຊື້ອອັນດີງາມມາແຕ່ດົນນານນັ້ນໄດ້ເພີ່ມຄວາມແໜ້ນແຟ້ນ ແລະ ເຕີບໃຫຍ່ ກາຍເປັນຄວາມສາມະຄີພິເສດ ແລະ ການພົວພັນຮ່ວມມືຮອບດ້ານຂອງສອງຊາດ ລາວ – ຫຽວດນາມ ໂດຍແມ່ນ ປະທານ ໂຮ່ຈີມິນ, ປະທານ ໄກສອນ ພົມວິຫານ ແລະ ປະທານສຸພານຸວົງ ເປັນຜູ້ລິເລິ່ມ.
        ໃນຊຸມປີ 1960 ປະທານ ໂຮ່ຈີມິນ, ປະທານ ໄກສອນ ພົມວິຫານ ໄດ້ພົບກັນ ແລະ ໄດ້ຍັ້ງຢືນວ່າ: ການພົວພັນລາວ – ຫຽວດນາມ ແມ່ນການພົວພັນສາມະຄີແບບພິເສດ ທີ່ສຶບເນື່ອງມາຈາກມູນເຊື້ອແຫ່ງຄວາມສາມະຄີ, ຊ່ວຍເຫຼືອຮ່ວມມືກັນທີ່ມີມາແຕ່ດົນນານ. ປະທານ ໂຮ່ຈີມິນ ໄດ້ຂຽນບົດກາບກອນທີ່ພັນລະນາເຖິງສາຍພົວພັນລາວ – ຫຽວດນາມ ວ່າ: ຮັກຫອມກັນໝາຍໝັ້ນ ຫລາຍສັນພູກໍ່ປີນໄຕ່, ຫລາຍນຳ້ໃຫຍ່ ແລະ ໂຄກກວ້າງ ຂວາງຂັ້ນກໍ່ດຸ່ງໄປ, ສອງຊາດລາວ – ຫຽວດນາມ ໄດ້ຝັງຄວາມຮັກຢູ່ໃນໃຈ, ຮົ່ງຮ່າທັງແມ່ຂອງ ບໍ່ເລິກປຸນປານໄດ້ ແລະ ປະທານ ໄກສອນ ພົມວິຫານ ໄດ້ເວົ້າວ່າ: ເຖິງວ່າພູຈະຖືກເຊາະເຈື່ອນ, ແມ່ນຳ້ລຳເຊຈະເຫືອດແຫ້ງແຕ່ສາຍພົວພັນມິດຕະພາບລາວ – ຫຽວດນາມ ຈະໝັ້ນຄົງທະນົງແກ່ນ ຊົ່ວກາລະນານ.
ຈາກນັ້ນສະຫາຍ ນາງ ປິ່ນຄຳ ອຸ່ນລະຄອນ ໄດ້ເລົ່າມູນເຊື້ອ ອັນສະຫລາດສ່ອງໃສ, ສະຫງ່າອົງອາດ, ກ້າຫານ ຂອງ ທ່ານ ປະທານ ສຸພານຸວົງ ບັນຂອງບັນພະບູລຸດຂອງປະຊາຊົນລາວບັນດາເຜົ່າ, ທ່ານ ປະທານ ສຸພານຸວົງ ເກີດເມື່ອວັນທີ 13 ກໍລະກົດ ປີ 1909 ທີແຂວງ ຫລວງພະບາງ ໃນຄອບຄົວເຊື້ອເຈົ້າ, ທ່ານເປັນຜູ້ນຳທີ່ມີຄວາມຈົ່ງຮັກພັກດີຕໍ່ອຸດົມການປະຕິວັດຢ່າງເຂັ້ມງວດ, ຕໍ່ສູ້ຢ່າງພິລະອາດຫານ, ແມ່ນປັນຍາຊົນຜູ້ທີ່ຍິ່ງໃຫຍ່ເປັນເຊື້ອເຈົ້ທີ່ມີນຳ້ໃຈຮັກຊາດອັນດູດດື່ມ, ມີຈິດໃຈຕໍ່ສູ້ທີ່ອາດຫານ, ມີທັດສະນະຫຼັກໝັ້ນ, ມີນຳ້ໃຈສູງສົ່ງເພື່ອຊາດ, ເພື່ອປະຊາຊົນ, ມີຫົວຄິດປະດິດສ້າງ, ສະຫລາດ, ຫຼັກແຫຼມ, ມີຄຸນສມບັດສິນທຳປະຕິວັດອັນຜ່ອງໃສ, ນຳພາປະຊາຊົນບັນດາເຜົ່າເດີນຕາມເສັ້ນທາງຂອງພັກ, ການດຳລົງຊີວິດຂອງທ່ານແບບງ່າຍດາຍ, ກະທັດຮັດ, ເປັນຄົນດຸໝັ່ນຫ້າວຫັນ, ປະຍັດມັດທະຍັດ, ນິ້ມນວນ, ນິດໃສຄ່ຽມຄົມ, ການເຄື່ອນໄຫວຂອງທ່ານແມ່ນມີແຜນການໃຫ້ແກ່ຕົນເອງ, ທ່ານໄດ້ກາຍເປັນຄົນທີ່ອອກແຮງງານເກັ່ງ ທາງດ້ານມັນສະໝອງ ແລະ ຮ່າງກາຍ, ເປັນວິສະວະກອນຂົວທາງທີ່ເກັ່ງອັນດັບໜື່ງຂອງລາວ, ເປັນຜູ້ນຳທີ່ເຄົາລົບຮັກຂອງປະຊາຊົນລາວບັນດາເຜົ່າ.
ພິທີດັ່ງກ່າວໄດ້ດຳເນີມາເປັນເວລາ 1 ຕອນ ກໍ່ໄດ້ສິ້ນສຸດລົງດ້ວຍຜົນສຳເລັດອັນຈົບງາມ.