ພິທີເປີດຊຸດຝຶກອົບຮົມ ພື້ນຖານການສ້າງ ແລະ ຄູ້ມຄອງ ນຳໃຊ້ລະບົບເວັບໄຊ ດ້ວຍ WordPress ແລະ Joomla

ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງອຸດົມໄຊ ( ພປທສ ) ໄດ້ຈັດພິທີ ໄຂຊຸດຝຶກອົບຮົມພື້ນຖານການສ້າງ ແລະ ຄູ້ມຄອງ ນຳໃຊ້ລະບົບເວັບໄຊ ດ້ວຍໂປຼແກມ CMS WordPress ແລະ Joomla ໃຫ້ບັນດາພະແນກການ, ສະພາປະຊາຊົນແຂວງ, ຫ້ອງວ່າການປົກຄອງເມືອງ 4 ເມືອງ ໂຮງຮຽນການເມືອງ ການປົກຄອງ ແລະ ໂຮງຮຽນວິຊາຊີບແບບປະສົມ ຂື້ນ ໃນລະຫວ່າງ ວັນທີ 24 ຫາ 28 ກັນຍາ 2018 ນິີ້, ຢູ່ທີ່ຫ້ອງປະຊຸມຂອງພະແນກ ປທສ ແຂວງ ພາຍໃຕ້ການເປັນປະທານ ແລະ ໃຫ້ກຽດໄຂຊຸດຝຶກອົບຮົມ ໂດຍທ່ານ ສົມບຸນ ມະນີ ຮອງເລຂາຄະນະພັກຮາກຖານ, ຮອງເລຂາໜ່ວຍພັກ, ຮອງຫົວໜ້າພະແນກ ປທສ ແຂວງ ມີນັກວິທະຍາກອນ ແລະ ນັກສຳມະນາກອນ ເຂົ້າຮ່ວທັງໝົດ 27 ທ່ານ, ຍິງ 04 ທ່ານ.

ໃນພິທີຝຶກອົບຮົມໃນຄັ້ງນີ້ ປະກອບມີ 2 ບົດຮຽນຫຼັກຄື: ການພື້ນຖານການສ້າງ ແລະ ຄູ້ມຄອງ ນຳໃຊ້ລະບົບເວັບໄຊ ດ້ວຍໂປຼແກມ CMS WordPress ແລະ Joomla, ເພື່ອເຮັດໃຫ້ນັກສຳມະນາກອນຜູ້ທີ່ຮັບຜິດຊອບວຽກງານ ດ້ານຂໍ້ມູນຂ່າວສານໄດ້ຍົກລະດັບຄວາມຮູ້, ຄວາມສາມາດ ໃນການບຳລຸງຮັກສາລະບົບເວບໄຊຂອງຕົນ, ນຳໃຊ້ເຕັກໂນໂລຊີຂໍ່້ມູນຂ່າວສານ ໃຫ້ມີປະສິດທິຜົນ, ຖືກຕາມຫຼັກການ, ເຜີຍແຜ່ຂໍ້ມູນຂ່າວສານວຽກງານຮອບດ້ານໃນກົມກອງຂອງຕົນໃຫ້ກວ້າງຂວາງ ອອກສູ່ພາກພື້ນ ແລະ ສາກົນ ເພື່ອພັດທະນາບຸກຄະລາກອນທີ່ມີຄວາມຮູ້ຄວາມສາມາດ ໃນການ ນຳໃຊ້ເຕັກໂນໂລຊີດ້ານຂໍ່້ມູນຂ່າວສານທີ່ທັນສະໄໝ ທຽບກັບສາກົນ.
ຊຸດຝຶກອົບຮົມໃນຄັ້ງນີ້ຈະໄດ້ດຳເນີນເຖິງວັນທີ 28 ກັນຍາ 2018 ຈຶ່ງຈະອັດລົງ.