ພິທີ ມອບໃບຢັ້ງຢືນໜ່ວຍພັກ ປອດໃສ, ເຂັ້ມແຂງ ແລະ ຫນັກແຫນ້ນ ປະຈໍາປີ 2018 ໃຫ້ແກ່ຫນ່ວຍພັກພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ຢ່າງເປັນທາງການ ໄດ້ຈັດຂຶ້ນໃນຕອນບ່າຍວັນທີ 15 ພຶດສະພານີ້. ໂດຍການເຂົ້າຮ່ວມເປັນກຽດຂອງທ່ານ ພອນສະຫວັນ ພັນທະວິຈິດ ຄະນະປະຈຳພັກແຂວງ ຫົວໜ້າພະແນກ ຖວທ ແຂວງອຸດົມໄຊ. ມີຄະນະໜ່ວຍພັກອ້ອມຂ້າງ ພ້ອມດ້ວຍສະມາຊິກພັກພາຍໃນໜ່ວຍເຂົ້າຮ່ວມ.

dptcert2018.jpeg

          ພິທີ ທ່ານ ສົມບຸນ ມະນີ ຮອງເລຂາຄະນະພັກຮາກຖານ, ຮອງເລາຂາໜ່ວພັກ, ຮອງຫົວໜ້າພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ໄດ້ຜ່ານບົດສະຫຼຸບການກໍ່ສ້າງຫນ່ວຍພັກປອດໃສ, ເຂັ້ມແຂງ ແລະ ຫນັກແຫນ້ນ ປະຈໍາປີ 2018 ແລະ ທິດທາງແຜນການປະຈໍາປີ 2019 ໂດຍຊີ້ໃຫ້ຮູ້ວ່າ ຫນ່ວຍພັກພະແນກ ປທສ ໄດ້ຮັບການສ້າງຕັ້ງຂື້ນໃນກົງຈັກບໍລິຫານຂອງອົງການປົກຄອງແຂວງ, ຢູ່ພາຍໃຕ້ ການຊີ້ນໍາ ແລະ ຄຸ້ມຄອງໃນດ້ານຊີວິດການເມືອງຂອງອົງການປົກຄອງແຂວງ, ພ້ອມກັນນັ້ນກໍຢູ່ພາຍໃຕ້ການຊີ້ນໍາ ແລະ ກວດກາໃນດ້ານວິຊາການຂອງກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ມີພາລະບົດບາດເປັນ ເສນາທິການໃຫ້ແກ່ເຈົ້າແຂວງ ແລະ ລັດຖະມົນຕີກະຊວງ ປທສ, ເປັນຫນ່ວຍພັກຫນຶ່ງຂຶ້ນກັບຄະນະພັກຮາກຖານພະ ແນກ ປທສ ແຂວງ, ຫນ່ວຍພັກພະແນກ ປທສ ມີຄະນະຫນ່ວຍພັກ 3 ສະຫາຍ, ຍິງ 1 ສະຫາຍ, ມີສະມາຊິກພັກທັງຫມົດ 14 ສະຫາຍ, ຍິງ 5 ສະຫາຍ.

dptlprpcert2018.jpeg

          ຕະຫຼອດໄລຍະ 1 ປີຜ່ານມາຄະນະຫນ່ວຍພັກໄດ້ຖືເອົາວຽກງານສຶກສາອົບຮົມການເມືອງແນວຄິດເປັນຕົ້ນຕໍ ໂດຍການຈັດຕັ້ງເຊື່ອມຊຶມເອກະສານສໍາຄັນຂອງພັກ - ລັດ ມາເຜີຍແຜ່ເປັນປົກກະຕິໃຫ້ພະນັກງານສະມາຊິກພັກ ໄດ້ຮັບຮູ້ ແລະ ເຂົ້າໃຈ ສາມາດນໍາໄປຈັດຕັ້ງຜັນຂະຫຍາຍເຂົ້າໃນການຈັດຕັ້ງປະຕິບັດຫນ້າທີ່ວຽກງານວິຊາສະເພາະທີ່ຕົນເອງຮັບຜິດຊອບມີຜົນສໍາເລັດເປັນຢ່າງດີ, ສະມາຊິກພັກ ມີຄຸນທາດການເມືອງ, ມີຄຸນສົມບັດສິນທໍາປະຕິວັດ, ມີຄວາມຈົ່ງຮັກພັກດີ, ມີນໍ້າໃຈເສຍສະ ຫຼະຮັບໃຊ້ຊາດ, ຮັບໃຊ້ສ່ວນລວມດ້ວຍຄວາມຫ້າວຫັນ, ຊື່ສັດບໍລິສຸດຕໍ່ການຈັດຕັ້ງປະຕິບັດໄດ້ 1,9 ຄະແນນ.  ດ້ານແນວຄິດ ຄະນະຫນ່ວຍພັກ, ສະມາຊິກພັກ ມີຄວາມເປັນເອກະພາບກັບແນວທາງປ່ຽນແປງໃຫມ່ຂອງພັກ, ຢຶດຫມັ້ນຈຸດ ຫມາຍສັງຄົມນິຍົມຢ່າງສະເຫມີຕົ້ນສະເຫມີປາຍ, ພາຍໃນຄະນະພັກ ແລະ ສະມາຊິກພັກໄດ້ມີຄວາມສາມັກຄີເປັນເອກະ ພາບໃນການຈັດຕັ້ງພັກຢ່າງຫນັກແຫນ້ນ,  ສະມາຊິກພັກ, ພະນັກງານ - ລັດຖະກອນມີແນວຄິດຫຼັກຫມັ້ນ, ຮູ້ຈໍາແນກໄດ້ມິດ-ສັດຕູຢ່າງຈະແຈ້ງ, ບໍ່ຫວັ່ນໄຫວຕໍ່ສະພາບການຜັນແປຕ່າງໆທີ່ເກີດຂື້ນ ແລະ ມີຄວາມເດັດດ່ຽວຕອບຕ້ານກົນອຸບາຍມ້າງເພທໍາລາຍຂອງ ສັດຕູ ແລະ ກຸ່ມຄົນບໍ່ດີ, ມີຄວາມເປັນເຈົ້າການປົກປ້ອງແນວທາງ, ອຸດົມການຂອງພັກ, ຕອບຕ້ານສິ່ງຫຍໍ້ທໍ້ຕ່າງໆ ທີ່ເກີດຂື້ນຢູ່ພາຍໃນ ຫນ່ວຍພັກ ແລະ ໃນສັງຄົມ ຕ້ານແນວຄິດສວຍໂອກາດ, ສວຍໃຊ້ຫນ້າທີ່ຕໍາແຫນ່ງ, ພະຍາດອາດຍາສິດສໍ້ລາດບັງຫຼວງ. ຫຼິ້ນກິນຟຸມເຟືອຍ ແລະ ຂາດຄວາມຮັບຜິດຊອບຕໍ່ຫນ້າທີ່ວຽກງານທີ່ໄດ້ຮັບມອບຫມາຍປະຕິບັດໄດ້ 1,5 ຄະແນນ. ດ້ານການຈັດຕັ້ງ ໄດ້ຢຶດຫມັ້ນ ແລະ ປະຕິບັດຕາມ 5 ຫຼັກການ, 3 ທິດນໍາ ໃນການກໍ່ສ້າງ ແລະ ປັບປຸງຜັກຖືກຕ້ອງຕາມມາດຕະຖານ, ເງື່ອນໄຂທີ່ໄດ້ກໍານົດໄວ້ ການດໍາເນີນຊີວິດການເມືອງຂອງຫນ່ວຍພັກ ຮັບປະກັນຕາມ 3 ລັກສະນະລະບອບດໍາເນີນຊີວິດ, ພະນັກງານ - ສະມາຊິກພັກໄດ້ມີສະຕິເຄົາລົບ ແລະ ປະຕິບັດກົດລະບຽບຂອງພັກ, ກົດຫມາຍ ແລະ ລະບຽບ ການຕ່າງໆຂອງລັດຢ່າງເຂັ້ມງວດ, ເປັນແບບຢ່າງໃນການເຄື່ອນໄຫວວຽກງານ, ການດໍາລົງຊີວິດທີ່ປອດໃສຂາວ ສະອາດ, ຕໍານປະກົດການຫຍໍ້າຢູ່ພາຍໃນຫນ່ວຍພັກເປັນຢ່າງດີ, ການຂະຫຍາຍມະຫາຊົນເຂົ້າພັກ ແມ່ນໄດ້ຖືເອົາຄຸນນະພາບເປັນກົກບົນພື້ນຖານປະຕິບັດໃຫ້ຖືກຕ້ອງຕາມ ມາດຕະຖານ, ເງື່ອນໄຂ, ບາດກ້າວ, ຂັ້ນຕອນຂອງການຂະຫຍາຍພັກທີ່ໄດ້ກໍານົດໄວ້ໃນກົດລະບຽບຂອງພັກຢ່າງ ເຂັ້ມງວດ ປະຕິບັດໄດ້ 1,4 ຄະແນນ.  ດ້ານແບບແຜນການນໍາພາຄະນະຫນ່ວຍພັກ, ສະມາຊິກພັກໄດ່ຍຶດຫມັ້ນປະຕິບັດຫຼັກການລວມສູນປະຊາທິປະໄຕ, ນໍາພາເປັນຫມູ່ຄະນະ, ແບ່ງວຽກໃຫ້ບຸກຄົນຮັບຜິດຊອບ ສຽງສ່ວນຫນ້ອຍຂື້ນກັບສຽງສ່ວນຫຼາຍ, ຂັ້ນລຸ່ມປະຕິບັດຕາມຂັ້ນເທິງ, ຍຶດຫມັ້ນ ແລະ ເສີມຂະຫຍາຍແບບແຜນນໍາພາ ທີ່ເປັນມູນເຊື້ອອັນດີງາມຂອງພັກ, ແບບແຜນນໍາພາຕິດແທດ ຮາກຖານ, ແທດກັບຕົວຈິງ, ມີປະຊາທິປະໄຕ, ເປັນເຈົ້າການຕ້ານພະຍາດອາດຍາສິດ, ເອກະຊົນ, ສໍ້ລາດບັງຫຼວງ ແລະ ເຮັດວຽກແບບຜິວເຜີນ ປະຕິບັດໄດ້ 1,8 ຄະແນນ, ຄະນະຫນ່ວຍພັກ ໄດ້ນໍາພາ ສະມາຊິກພັກ, ພະນັກງານ-ລັດຖະກອນ ປະຕິບັດຫນ້າທີ່ການເມືອງ ໃນຂອບເຂດ ການນໍາພາຂອງຫນ່ວຍພັກຂອງຕົນຢ່າງມີປະສິດທິພາບ, ໄດ້ກໍາແຫນ້ນສະພາວະຄວາມເປັນຈິງຂອງຫນ່ວຍພັກຕົນແຕ່ລະໄລຍະ ແລະ ຫັນເອົາແນວທາງ, ແຜນນະໂຍ ບາຍ, ຂອງພັກ ແລະ ມະຕິຂອງຄະນະພັກຂັ້ນເທິງ ເປັນແຜນການຂອງຫນ່ວຍພັກປະຈໍາເດືອນ, ງວດ ແລະ ປີ ເພື່ອ ນໍາພາຈັດຕັ້ງປະຕິບັດໃຫ້ສອດຄ່ອງກັບເງື່ອນໄຂ ແລະ ຈຸດພິເສດຂອງຫນ່ວຍພັກຕົນເອງຮັບຜິດຊອບ.ສະມາຊິກພັກ ມີຄຸນທາດການເມືອງ, ມີຄຸນສົມບັດສິນທໍາປະຕິວັດ, ມີຄວາມຈົ່ງຮັກພັກດີ, ມີນໍ້າໃຈເສຍສະ ຫຼະຮັບໃຊ້ຊາດ, ຮັບໃຊ້ສ່ວນລວມດ້ວຍຄວາມຫ້າວຫັນ, ຊື່ສັດບໍລິສຸດຕໍ່ການຈັດຕັ້ງປະຕິບັດໄດ້ 3 ຄະແນນ.

ຈາກຜົນງານດັ່ງກ່າວ ຄະນະປະຈຳພັກແຂວງ ຈິ່ງໄດ້ຕົກລົງມອບໃບຢັ້ງຢືນໜ່ວຍພັກ ປອດໃສ, ເຂັ້ມແຂງ ແລະ ຫນັກແຫນ້ນ ປະຈໍາປີ 2018 ໃຫ້ໜ່ວຍພັກ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານຢ່າງເປັນທາງການ.