ໃນຕອນບ່າຍ ເວລາ 14:30 ນາທີ ຂອງວັນທີ 16 ພຶດສະພາ 2019 ທີ່ຜ່ານມານີ້ ຢູ່ທີ່ຫ້ອງປະຊຸມ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານແຂວງ, ໜ່ວຍພັກພະແນກ ໄປສະນີ, ໂທລະຄົມມະນາຄົມ ແລະ ການສື່ສານແຂວງ ໄດ້ຈັດພິທີເລື່ອນສະມາຊິກພັກສຳຮອງ ຂື້ນເປັນສົມບູນ ຈຳນວນ 02 ສະຫາຍ, ຍິງ 01 ສະຫາຍ. ໃຫ້ກຽດເປັນປະທານໃນພິທີຄັ້ງນີ້ໂດຍແມ່ນ  ສະຫາຍ ສົມບູນ ມະນີ ຮອງເລຂາຄະນະພັກຮາກຖານ, ຮອງເລຂາໜ່ວຍພັກ ຮັກສາການຫົວໜ້າພະແນກ ປທສ ແຂວງ. ມີບັນດາສະຫາຍ ຄະນະໜ່ວຍພັກ ແລະ ມີສະມາຊິກພັກສົມບູນ ພາຍໃນໜ່ວຍ ເຂົ້າຮ່ວມທັງໝົດ 10 ສະຫາຍ ຍິງ 04 ສະຫາຍ. 

IMG_8711.JPG

ໃນພິທີຄັ້ງນີ້ຄະນະຈັດຕັງພິທີໄດ້ສະເໜີຈຸດປະສົງ ແລະ ຜູ້ເຂົ້າຮ່ວມ ຈາກນັ້ນ ສະມາຊິກພັກສຳຮອງຈຳນວນ 02 ສະຫາຍ ກໍ່ໄດ້ຂື້ນຜ່ານໃບຄຳຮ້ອງຂໍເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ ແລະ ໃຫ້ຄຳປະຕິຍານຕໍ່ໜ່ວຍພັກ, ສະມາຊິກພັກສົມບູນຜູ້ຕິດຕາມສະມາຊິກພັກສຳຮອງທັງ 2 ສະຫາຍກໍ່ໄດ້ຜ່ານໃບຍັ້ງຢືນ ຕໍ່ໜ່ວຍພັກ ເຊິ່ງມີ 02 ສະຫາຍ ຄື: ສະຫາຍ ນາງ ພອນສະຫວັນ ສ້ອຍວຽງວົງ ແລະ ສະຫາຍ ພູຄຳ ມະນີວັນ ຜ່ານການຝຶກຝົນຫຼໍ່ຫຼອມໃນສະໃໝສຳຮອງ, ຈາກນັ້ນ ສະຫາຍ ນາງ ປິ່ນຄຳ ອຸ່ນລະຄອນ ກຳມະການຄະນະພັກຮາກຖານ, ຄະນະໜ່ວຍພັກ ກໍ່ໄດ້ຜ່ານ ມະຕິຕົກລົງຂອງຄະນະປະຈຳພັກແຂວງ ວ່າດ້ວຍການອານຸມັດເລື່ອນສະມາຊິກພັກສຳຮອງ ຂື້ນເປັນສົມບຸນ ສະບັບເລກທີ 335,336/ຄປພຂ, ລົງວັນທີ 06 ພຶດສະພາ 2019. ສະຫາຍ ສົມບຸນ ມະນີ ຮອງເລຂາຄະນະພັກຮາກຖານ, ຮອງເລຂາໜ່ວຍພັກ ກໍ່ໄດ້ຂື້ນຮັບເອົາສະມາຊິກພັກສົມບູນໃໝ່ ຂອງໜ່ວຍພັກ ພະແນກ ປທສ ແຂວງ ຢ່າງເປັນທາງການ.

IMG_8704-1.png

          ໃນພິທີຄັ້ງນີ້ກໍ່ໄດ້ຮັບຟັງການໂອ້ລົມຂອງ ສະຫາຍ ສົມບຸນ ມະນີ ຮອງເລຂາຄະນະພັກຮາກຖານ, ຮອງເລຂາໜ່ວຍພັກ ເຊີ່ງທ່ານໄດ້ຍົກໃຫ້ເຫັນຫຼາຍບັນຫາ ໂດຍສະເພາະແມ່ນກົດລະບຽບຂອງພັກ ສະໃໝທີ X ແລະ ແນວທາງນະໂຍບາຍຂອງພັກພ້ອມທັງອະທິບາຍເຖິງ ສິດ, ໜ້າທີ່ ແລະ ບັນດາຂໍ້ຫ້າມ ຂອງສະມາຊິກພັກເພື່ອເຮັດໃຫ້ສະມາຊິກສົມບູນໃໝ່ກຳແໜ້ນ ແລະ ເປັນແບບຢ່າງທີ່ດີໃຫ້ມະຫາຊົນ. ຈາກນັ້ນສະມາຊິກສົມບູນໃໝ່ກໍ່ໄດ້ຂື້ນຮັບຄຳໂອວາດຕັກເຕືອນ ຈາກສະຫາຍ ສົມບຸນ ມະນີ ຮອງເລຂາຄະນະພັກຮາກຖານ, ຮອງເລຂາໜ່ວຍພັກ.

          ພິທີດັ່ງກ່າວໄດ້ດຳເນີນມາເປັນເວລາ 1 ຕອນ ແລະ ໄດ້ສຳເລັດ ໃນເວລາ 16:00 ນາທີ ຂອງວັນດຽວກັນນັ້ນ.